Aqmola oblysynyń Shýche qalasynda turǵyn úi órtenip, úi iesi men onyń áieli kóz jumdy, dep habarlaidy "Ult aqparat" oblystyq Thtenshe jaǵdailar departamentiniń baspasóz qyzmetine silteme jasap.
Vedomstvonyń málimetinshe, órt mamyrdyń 14-de Grantinaia kóshesi 3 mekenjaiy boiynsha ornalasqan turǵyn úide bolǵan. Bul týraly Shýche qalasyndaǵy órt sóndirý qyzmetiniń kezekshilik bólimine sol kúni tańǵy saǵat 07:08 aqparat túsken.
«Tilsiz jaýdy aýyzdyqtaýǵa TJD jeke quramynan 11 adam jáne 2 arnaiy órt sóndirý tehnikasy jumyldyryldy. Oqiǵa ornynan 1967 jylǵy úi iesi men onyń 1979 jylǵy áieliniń denesi tabyldy», - dep túsindirdi Aqmola oblystyq TJD baspasóz hatshysy Dinara Esenbaeva.
Vedomstvodan atap ótkendei, kóz jumǵan erli – zaiyptylardyń qyzynyń aitýynsha, órt bolardyń aldynda ata-anasy úiinde ishimdik iship, temeki tartqan. Qazirgi kezde olardyń denesi sot-meditsianlyq saraptama úshin máiithanaǵa jiberildi. Órttiń naqtyly shyǵý sebepteri anyqtalý ústinde.
