Aqmola oblysynda synama UBT kezinde oqýshynyń telefondy paidalanǵany anyqtaldy, dep habarlaidy "Ult aqparat".
«Aqmola oblysynda UBT Sh. Ýálihanov atyndaǵy Kókshetaý memlekettik ýniversiteti, sondai-aq Stepnogorsk jáne Esil qalalarynyń mektepteriniń bazasynda ótkiziledi», -delingen QR Sybailas jemqorlyqqa qarsy is-qimyl agenttigi Aqmola oblysy boiynsha departamentiniń habarlamasynda.
Aita ketý kerek, barlyq aýditoriialar mobildi qurylǵylardyń bailanysyn sóndirgishtermen jáne beinebaqylaýmen qamtamasyz etilgen. Baqylaýshylar testileý protsesin testileý zaldarynda ornatylǵan beinekameralar arqyly onlain rejimde qadaǵalaidy. Degenmen, talapkerler aýditoriiaǵa tyiym salynǵan zattardy (smartfondar, shpargalkalar jáne t.b.) alyp ótýdiń, jalǵan tulǵalardyń qatysýynyń, sondai-aq emtihan kitapshalaryn shyǵarýdyń túrli tásilderin tabady.
«16 qańtarda monitoring barysynda birinshi saǵatta talapkerdiń testileý kezinde uialy telefonyn paidalaný faktisi anyqtaldy, bul UBT ótkizý erejelerin buzý bolyp tabylady. Osy derek boiynsha tiisti akt jasalyp, oqýǵa túsýshi testileý nátijelerin joiý arqyly aýditoriiadan shyǵaryldy.
Sondai-aq, biyl oblysta 1900-den astam oqýshy erikti túrde UBT tapsyrýǵa ótinish bergen. Birinshi aǵymda 530 talapker emtihan tapsyrady», -dep tolyqtyrdy vedomstvodan.
