اقمولا وبلىسىندا سىناما ۇبت كەزٸندە وقۋشىنىڭ تەلەفوندى پايدالانعانى انىقتالدى, دەپ حابارلايدى "ۇلت اقپارات".
«اقمولا وبلىسىندا ۇبت ش. ۋەليحانوۆ اتىنداعى كٶكشەتاۋ مەملەكەتتٸك ۋنيۆەرسيتەتٸ, سونداي-اق ستەپنوگورسك جەنە ەسٸل قالالارىنىڭ مەكتەپتەرٸنٸڭ بازاسىندا ٶتكٸزٸلەدٸ», -دەلٸنگەن قر سىبايلاس جەمقورلىققا قارسى ٸس-قيمىل اگەنتتٸگٸ اقمولا وبلىسى بويىنشا دەپارتامەنتٸنٸڭ حابارلاماسىندا.
ايتا كەتۋ كەرەك, بارلىق اۋديتورييالار موبيلدٸ قۇرىلعىلاردىڭ بايلانىسىن سٶندٸرگٸشتەرمەن جەنە بەينەباقىلاۋمەن قامتاماسىز ەتٸلگەن. باقىلاۋشىلار تەستٸلەۋ پروتسەسٸن تەستٸلەۋ زالدارىندا ورناتىلعان بەينەكامەرالار ارقىلى ونلاين رەجيمدە قاداعالايدى. دەگەنمەن, تالاپكەرلەر اۋديتوريياعا تىيىم سالىنعان زاتتاردى (سمارتفوندار, شپارگالكالار جەنە ت.ب.) الىپ ٶتۋدٸڭ, جالعان تۇلعالاردىڭ قاتىسۋىنىڭ, سونداي-اق ەمتيحان كٸتاپشالارىن شىعارۋدىڭ تٷرلٸ تەسٸلدەرٸن تابادى.
«16 قاڭتاردا مونيتورينگ بارىسىندا بٸرٸنشٸ ساعاتتا تالاپكەردٸڭ تەستٸلەۋ كەزٸندە ۇيالى تەلەفونىن پايدالانۋ فاكتٸسٸ انىقتالدى, بۇل ۇبت ٶتكٸزۋ ەرەجەلەرٸن بۇزۋ بولىپ تابىلادى. وسى دەرەك بويىنشا تيٸستٸ اكت جاسالىپ, وقۋعا تٷسۋشٸ تەستٸلەۋ نەتيجەلەرٸن جويۋ ارقىلى اۋديتورييادان شىعارىلدى.
سونداي-اق, بيىل وبلىستا 1900-دەن استام وقۋشى ەرٸكتٸ تٷردە ۇبت تاپسىرۋعا ٶتٸنٸش بەرگەن. بٸرٸنشٸ اعىمدا 530 تالاپكەر ەمتيحان تاپسىرادى», -دەپ تولىقتىردى ۆەدومستۆودان.
