Foto: pexels.com
Aqmola oblysynda Surǵan stantsiiasynda elektr lokomotivi men júk poiyzynyń vagondary relsten shyǵyp ketti. Poiyz qozǵalysy tańǵa deiin qalpyna keltirildi, dep habarlaidy Ult.kz.
"QTJ UK AQ baspasóz qyzmetiniń málimetinshe, oqiǵa 9 qazanda saǵat 17:40-ta Esil - Qusmuryn ýchaskesindegi Surǵan stantsiiasynda bolǵan.
"Elektr lokomotivi men júk poiyzynyń vagondary relsten shyǵyp ketti. Eshkim zardap shekken joq, qalpyna keltirý poiyzdary jolǵa shyqty. Oqiǵanyń sebebin tekserý úshin oqiǵa ornyna komissiia jiberildi", - delingen habarda.
Sonymen qatar poiyz qozǵalysyn ótkizý úshin Surǵan stantsiiasyndaǵy jol 10 qazan kúni 03:50-de ashylǵany belgili boldy. Sol ýaqytqa deiin relsten shyǵý saldaryn joiýmen ainalysqan.
Osy ýchaskede jolaýshylar poiyzdary ótkennen keiin qalpyna keltirý jumystary úshin "tereze" berilmek.
