Foto: «Jolaýshylar tasymaly» AQ baspasóz qyzmeti
8 qarasha kúni Aqmola oblysynyń Makinka stantsiiasynda poiyz er adamdy qaǵyp ketti. Bul týraly QTJ baspasóz qyzmeti habarlaidy.
«8 qarasha kúni tańerteńgi 8:45-te Makinka stantsiiasynda poiyz temir jol ústinde adam bolýyna bailanysty shuǵyl túrde toqtaýǵa (tejegishti basýǵa) májbúr boldy. Mashinist dabyldy bassa da, qulaqqap taqqan ári kúlápara búrkengen er adam ony estimegen. Ara qashyqtyqtyń qysqa bolýyna bailanysty soqqynyń aldyn alý múmkin bolmady», — delingen habarlamada.
Qazirgi kezde atalǵan oqiǵaǵa qatysty tergeý júrgizilip jatyr.
QTJ temirjolda júrginshi adamdardyń jaraqat alýy jáne japa shegýi kóp jaǵdaida olardyń belgilenbegen jerden óter kezde jan-jaǵyna muqiiat qaramaýynan bolatynyn málimdeidi.
Temirjol relsiniń ústimen júrýge, temirjol mańyna masań kúide jaqyndaýǵa, qulaqqappen júrýge, sondai-aq toqtap turǵan poiyz quramynyń astynan ótýge tyiym salynǵan.
Aita keteiik, jýyrda ǵana Aqmola oblysynda júk tasymaldaityn poiyzǵa jeńil kólik soqtyǵysqan bolatyn.
