Aqmola oblysynda páter órtenip, bes jasar bala kóz jumdy, dep habarlaidy QazAqparat oblystyq Tótenshe jaǵdailar departamentiniń baspasóz qyzmetine silteme jasap.
Vedomstvonyń málimetinshe, órt búgin saǵat 06:15-te Baiqonys aýylyndaǵy eki páterli turǵyn úide bolǵan. Órt aýmaǵy 85 sharshy metrdi qurady.
«Órtti sóndirýge TJD jeke quramynan alty qyzmetker jáne bir órt sóndirý tehnikasy jumyldyryldy. Otaǵasy áieli men eki balasyn qutqaryp úlgerdi. Ókinishke orai, 2016 jylǵy úlken uly órtten kóz jumdy. Kúiik shalǵan er adam Stepnogor qalalyq aýrýhanasyna jatqyzyldy», - dedi vedomstvodan.
TJD baspasóz qyzmetinen atap ótkenedei, órt 07:14-te aýyzdyqtalyp, 07:46-da sóndirildi. Órttiń shyǵý sebebi anyqtalýda.
