اقمولا وبلىسىندا پەتەر ٶرتەنٸپ, بەس جاسار بالا كٶز جۇمدى, دەپ حابارلايدى قازاقپارات وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, ٶرت بٷگٸن ساعات 06:15-تە بايقونىس اۋىلىنداعى ەكٸ پەتەرلٸ تۇرعىن ٷيدە بولعان. ٶرت اۋماعى 85 شارشى مەتردٸ قۇرادى.
«ٶرتتٸ سٶندٸرۋگە تجد جەكە قۇرامىنان التى قىزمەتكەر جەنە بٸر ٶرت سٶندٸرۋ تەحنيكاسى جۇمىلدىرىلدى. وتاعاسى ەيەلٸ مەن ەكٸ بالاسىن قۇتقارىپ ٷلگەردٸ. ٶكٸنٸشكە وراي, 2016 جىلعى ٷلكەن ۇلى ٶرتتەن كٶز جۇمدى. كٷيٸك شالعان ەر ادام ستەپنوگور قالالىق اۋرۋحاناسىنا جاتقىزىلدى», - دەدٸ ۆەدومستۆودان.
تجد باسپاسٶز قىزمەتٸنەن اتاپ ٶتكەنەدەي, ٶرت 07:14-تە اۋىزدىقتالىپ, 07:46-دا سٶندٸرٸلدٸ. ٶرتتٸڭ شىعۋ سەبەبٸ انىقتالۋدا.
