Aqmola oblysynda ormanda joǵalǵan erli-zaiyptylar izdestirilýde, dep habarlaidy QazAqparat oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, biylǵy jylǵy qazannyń 20-da túngi saǵat 23:53-te Zerendi aýdandyq PB kezekshi bólimine Aidabol aýylynyń 36 jastaǵy turǵynynan Sandyqtaý aýdanynyń Qumdykól aýylynda turatyn ákesi 1955 jylǵy Qaiyrjan Barjaqsymuly Baialin jáne anasy 1954 jylǵy Altynai Baltaqojyqyzy Baialinany izdep tabýǵa kómektesý týraly ótinish tústi.
«Erli-zaiyptylar qazannyń 20-da Zerendi aýdanynyń Qoshqarbai aýylyna dala joldarymen bet alǵan jáne Zerendi aýdanynyń Viktorovka aýylynyń mańyndaǵy orman alqabynda adasyp ketken. Aqaý shyqqan «Honda avtokólik ormanyń ishinde qaldyryp ketken. Joǵalǵan adamdardy izdeýge Zerendi jáne Sandyqtaý aýdandyq politsiia bólimderiniń jeke quramy baǵyttalǵan. Izdeýge jergilikti turǵyndar, eriktiler de tartyldy», - dedi vedomstvodan.
Osy rette, tártip saqshylary joǵalǵan azamattardyń ornalasqan jeri týraly qandai da bir málimetke ie adamdar bolsa, «102» telefony arqyly habarlasýyn suraidy.
