Aqmola oblysynda ormanda joǵalǵan erli-zaiyptylar aman-esen tabyldy, dep habarlaidy QazAqparat tilshisi oblystyq politsiia departamentiniń baspasóz qyzmetine silteme jasap.
Vedomstvonyń málimetinshe, joǵalǵan adamdar búgin qazannyń 21-de kúndizgi ýaqyt 14:00 shamasynda Báiterek aýylynan 35 shaqyrym jerdegi orman alqabynan tabylǵan.
«Altynai Baltaqojaqyzy túnde ormanda óte sýyq bolǵanyn aitty. Jubaiy ekeýi jol izdep sharshaǵan. Joldasy Qaiyrjan Barjaqsymuly taiaqtyń kómegimen qozǵalady. Erli-zaiyptylar ózderin izdeýge qatysqandardyń barlyǵyna alǵysyn jetkizdi. Úilesimdi is-áreket pen kúsh-jigerdiń arqasynda erli-zaiypty Baialinderdiń ómiri men densaýlyǵyna qaýip joq», - dedi vedomstvodan.
Eske sala ketsek, Aqmola oblysynda ormanda joǵalǵan erli-zaiyptylarǵa izdeý jariialanǵan bolatyn.
Oǵan barlyǵy 140-tan astam adam, onyń ishinde júzge jýyq politsiia qyzmetkeri (6 iisshil itti bar kinologtar jáne 25 SOBR qyzmetkerleri), jergilikti atqarýshy organdardyń ókilderi, qoryqshylar, tótenshe jaǵdailar departamentiniń qyzmetkerleri jumyldyryldy.
