Aqmola oblysynda koronavirýstan qaitys bolǵan 1929 jyly týǵan áiel buǵan deiin virýstan kóz jumǵan 1947 jylǵy er adammen bailanysta bolǵan.
Aqmola oblysy densaýlyq saqtaý basqarmasynyń málimetinde, naýqas 6 sáýirde qaitys bolǵan. 7 sáýirde máiithanada júrgizilgen zertteý kezinde odan koronavirýs tabylǵan. Resmi organdar áieldiń birneshe aýrýmen aýyrǵanyn aitty.
Marqum arteriialyq gipertenziia, ortan jiliktiń moiyn synyǵy, DEP, parkinsionizm, júrek ishemiiasy, stenokardiia, sozylmaly bronhit diagnozdarymen tirkeýde turǵany habarlandy.
"2019 jyldan bastap jasy ulǵaiǵannan keiin júregi men tynys alý joldarynyń jaǵdaiy nasharlaǵan. Ol únemi tósek tartyp jatqannan keiin onyń jaǵdaiy odan saiyn qiyndaǵan. 2020 jylǵy 1 sáýirde jaǵdaiy taǵy nasharlap, tynys alýy qiyndaǵan. 6 sáýirde qaitys boldy" dedi Aqmola oblysy densaýlyq saqtaý basqarmasynyń basshysy Súlen Iliiasov.
Qazaqstanda barlyǵy jeti adam virýstan qaitys bolǵan. Aqmola oblysynda - 3, Nur-Sultanda - 1, Qaraǵandy oblysynda - 1, Túrkistanda - 1, Shymkentte bir adam qaitys bolǵan. 53 adam aiyqqan.
