Aqmola oblysynda qolǵa arnalǵan antiseptik shyǵaryla bastady, dep habarlaidy "Ult aqparat" oblystyq ishki saiasat basqarmasyna silteme jasap.
Vedomstvonyń málimetinshe, Kókshetaý qalasyndaǵy «Turmystyq himiia zaýyty» jaýapkershiligi seriktestiginiń ekologiialyq taza ónimine jurttyń suranysy joǵary. Zaýytta qazaqstannyń soltústik óńirlerine turmystyq himiialyq zattarynyń birneshe túri shyǵarylady.
Elimizde koronavirýs pademiiasyna qatysty kúrdelengen jaǵdaiǵa bailanysty jergilikti zaýyt qolǵa arnalǵan antiseptik shyǵary bastady.
«Bizdiń zaýyt qysqa merzim ishinde bakteriiaǵa qarsy jáne qolǵa arnalǵan antiseptik shyǵarýǵa beiimdelip, óndiristi iske qosty. Qazirgi kezde, «Esil» áleýmettik kásipkerlik korporatsiiasy UK» AQ Basqarmasymen 15 myń litr antiseptikalyq ónimge kelisim-shart jasadyq. Óndiris tolyq qýatymen jumys isteýde», - deidi zaýyt basshysy Farýk Qurmaev.
Kásiporyn basshysynyń aitýynsha, qolǵa arnalǵan antiseptiktiń quramynda dezinfektsiia jasatyn kontsentrat, jergilikti Aidabol spirti, glitseron, iistendirgish jáne spetsifikalyq qospa bar. Kásiporyn aiyna 60 myń litr ónim shyǵarady. 1, 5 litr jáne 220 millilitrlik qutyǵa quiylǵan antiseptiktiń bir litri 1500 teńge turady. Bul óńirdegi eń arzan qolǵa arnalǵan antiseptik.
