Aqmola oblysynda kiikterdiń qyrylýy qaýpi tónip tur, dep habarlaidy "Ult aqparat".
Aqmola oblys boiynsha orman sharýashylyǵy jáne janýarlar álemi aýmaqtyq inspektsiiasynyń málimetinshe, 2020 jyldyń jeltoqsan aiynda Qorǵaljyn memlekettik tabiǵi qoryǵynda 25 myń kiik sanaldy. Sońǵy kúnderi aýa raiynyń kúrt buzylýy óńirde qystap qalǵan kiikterge qaýip tóndirip otyr.
«2021 jylǵy qańtar aiynyń basyndaǵy qatty aiaz (keibir jerlerde minýs 42 gradýs deiin) jáne aqtútik borannyń saldarynan oblys aýmaǵynda jabaiy janýarlardyń shóp taýyp qorektenýine qiyndyq týyp otyr. Onyń ishinde kiikterdiń ashtan qyrylý qaýipi bar. Tipti, keibir óńirlerde kiikterdiń ashtan ólgen derekteri de tirkeldi. Sol sebepti, oryn alyp otyrǵan jaǵdaiǵa bailanysty jáne kiikterden jappai qyrylýyn boldyrmaý úshin Qorǵaljyn, Egindikól, Jaqsy jáne Atbasar aýdandary aýmaǵyndaǵy kiikter júretin aýmaqtaǵy qardy «K700» traktorymen kúretý týraly atalmysh aýdandardyń ákimderine nusqaý berildi», - deidi vedomstvodan.
