Aqmola oblysynda qatty daýyl saldarynan 1 adam mert boldy. Bul jaiynda QR IIM Tótenshe jaǵdailar komitetinen málim etti, dep habarlaidy "Ult aqparat".
«7 sáýirde Aqmola oblysyna qarasty Býrabai aýdanynyń Urymqai aýylynda sekýndyna 28 metr jyldamdyqpen soqqan qatty jel saldarynan mashina saraiynyń shatyry julynyp ketti. Sonyń saldarynan 1980 jyly dúniege kelgen kúzetshi jaraqat alyp, oqiǵa ornynda qaza tapty. Shatyrdyń aýmaǵy men salý úlgisi anyqtalyp jatyr», - dep atap ótedi vedomstvodan.
Osyǵan orai Tótenshe jaǵdailar komiteti óńir turǵyndaryna aýa raiynyń ózgeristerin jiti qadaǵalap, qaýipsizdik sharalaryn saqtaýdy eskertedi.Eske salsaq, Kókshetaýda qatty jelden tórt úidiń shatyry julynyp, 10 aialdama zaqymdanǵany týraly habarlaǵan bolatynbyz.
