اقمولا وبلىسىندا قاتتى داۋىل سالدارىنان 1 ادام مەرت بولدى. بۇل جايىندا قر ٸٸم تٶتەنشە جاعدايلار كوميتەتٸنەن مەلٸم ەتتٸ, دەپ حابارلايدى "ۇلت اقپارات".
«7 سەۋٸردە اقمولا وبلىسىنا قاراستى بۋراباي اۋدانىنىڭ ۇرىمقاي اۋىلىندا سەكۋندىنا 28 مەتر جىلدامدىقپەن سوققان قاتتى جەل سالدارىنان ماشينا سارايىنىڭ شاتىرى جۇلىنىپ كەتتٸ. سونىڭ سالدارىنان 1980 جىلى دٷنيەگە كەلگەن كٷزەتشٸ جاراقات الىپ, وقيعا ورنىندا قازا تاپتى. شاتىردىڭ اۋماعى مەن سالۋ ٷلگٸسٸ انىقتالىپ جاتىر», - دەپ اتاپ ٶتەدٸ ۆەدومستۆودان.
وسىعان وراي تٶتەنشە جاعدايلار كوميتەتٸ ٶڭٸر تۇرعىندارىنا اۋا رايىنىڭ ٶزگەرٸستەرٸن جٸتٸ قاداعالاپ, قاۋٸپسٸزدٸك شارالارىن ساقتاۋدى ەسكەرتەدٸ.ەسكە سالساق, كٶكشەتاۋدا قاتتى جەلدەن تٶرت ٷيدٸڭ شاتىرى جۇلىنىپ, 10 ايالداما زاقىمدانعانى تۋرالى حابارلاعان بولاتىنبىز.
