Aqmola oblysynda egistiktikke jaramdy jerlerdiń 98,9 paiyzy tsifrlyq formatqa kóshti.
«Aqmola oblysynyń agroónerkásiptik keshenin damytýdaǵy eń perspektivaly baǵyttarynyń biri óndiriske dálme-dál aýyl sharýashylyq júiesin engizý bolyp otyr. Dálme-dál eginshilik topyraqtyń quramyn tereń jáne muqiiat taldaýǵa negizdelgen. Osy júieniń ereksheligi – árbir jer ýchaskesine naqty tásilmen qaraýynda desem bolady», – dep atap ótti Aqmola oblysy ákiminiń orynbasary Marat Iǵaliev.
Qazirgi tańda óńirdegi egin sharýashylyq salasyn tsifrlandyrý boiynsha dálme-dál eginshilik júiesin 3 kásiporynǵa engizý kózdelip otyr. Olar: «Aqmola Feniks» JShS, «Dihan pliýs» JShS, «Jýravlevka-1» JShS kompaniialary.
«Oblystaǵy bazalyq sharýa qojalyqtary dálme-dál eginshilik elementterin tolyqtai engizetin bolady. Sondai-aq, atalǵan júie 2018 jyly óz kórsetkishterin kórsetip, joǵary ónimdilikke qol jetkizýge múmkindik berdi», – deidi M. Iǵaliev.
Oblys ákimi orynbasarynyń sózinshe, 2022 jylǵa deiin dálme-dál eginshilik tehnologiiasyn aimaqtaǵy 194 kásiporynǵa engizý josparlanǵan. Tsifrlyq tehnologiialardy engizý aýylsharýashylyǵy boiynsha taýar óndirýshilerge dalalyq jumystardyń agrotehnologiiasy boiynsha eń jaqsy sheshimderdi jedel qabyldaýǵa múmkindik beredi. Budan bólek, ol janar-jaǵarmai materialdaryn únemdeýge, tyńaitqyshtardyń tiimdiligin arttyrýǵa kóp kómegin tigizedi.
Qoldau.kz veb-portaly arqyly sýbsidiialaýǵa, nesieler men saqtandyrýǵa ótinim berýge bolady.
Óńirdegi jańashyldyqtar munymen shektelmeidi. Sonymen qatar, mal sharýashylyǵyn damytý boiynsha, oǵan tsifrlyq tehnologiialardy engizý baǵytynda da birqatar jumystar atqarylý ústinde. Búginde aimaqtaǵy kóptegen sút fermalary aqparattyq júielerdi keńinen qoldanady. Máselen, «Rodina AF» JShS, «Esil Agro» JShS, «Kamyshenka» JShS, «Eńbek» JShS, «Hamze» JShS-in atap ótýge bolady.
