Aqmola oblysynyń bas sanitarlyq dərigeriniń 2020 jylǵy 27-28 maýsym demalys kúnderi shekteýler engizý týraly kezekti qýlysy shyqty, dep habarlaidy oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamenti.
Qaýlyda shekteý sharalary 27-shi maýsym saǵat 00:00-den bastap 28-shi maýsym saǵat 00:00 deiin jalǵasatyny kórsetilgen.
Qaýlyǵa səikes: betperdelerdi kiiý algoritmin saqtaý, asa qajettilik bolmasa, 65 jastan asqan adamdardyń úiden shyǵýyn shekteý, respiratorlyq infektsiianyń alǵashqy belgileri (tumaý, túshkirý, temperatýra) paida bolǵan kezde meditsinalyq uiymdarǵa barmai, 103 nómiri boiynsha jedel meditsinalyq jərdem shaqyrtý kerek. Eresekterdiń erip júrýinsiz 14 jasqa deiingi balalardyń júrýin shekteý, óńir turǵyndaryna qoǵamdyq oryndarǵa, saiabaqtarǵa, alańdarǵa jəne skverlerge, jaǵalaýlarǵa barýǵa, turǵylyqty jeri boiynsha otbasylyq is-sharalardy ótkizýge tyiym salynady.
Kórshilerge, tanystarǵa, týystarǵa, əriptesterge barýdy shekteý kerek. Qaitys bolǵan kisini jerleý is-sharalaryn júrgizý kezinde keminde 2 metr qashyqtyqty saqtai otyryp, 30 adamnan astam (otbasy músheleri) jinalýǵa jol berilmeýi tiis.
Aqmola oblysynyń əkimdigi, aýdandar men Kókshetaý, Stepnogorsk qalalarynyń əkimderi turǵylyqty jeri boiynsha otbasylyq, eske alý, ujymdyq sharalardy ótkizýge, kórshilerine, tanystaryna, týystaryna áriptesterine barýǵa, jappai korporativtik jáne basqa da is-sharalar ótkizý úshin jekemenshik úiler men qurylystardy jalǵa alýǵa jol bermeýi kerek.
Bógde adamdar men otbasy múshelerinsiz, jergilikti atqarýshy, quqyq qorǵaý organdarynyń, jedel jəne shuǵyl meditsinalyq jərdemniń, memlekettik meditsinalyq mekemelerdiń, sanitarlyq-epidemiologiialyq qyzmettiń, órt sóndirý, avariialyq-qutqarý jəne avariialyq- tehnikalyq qyzmetterdiń, sondai-aq strategiialyq obektiler men tirshilikti qamtamasyz etý obektileriniń óndiristik protsesin qamtamasyz etetin qyzmetkerlerdi qospaǵanda, saǵat 22:00-den 06:00-ge deiin turǵyndar men avtokóliktiń júrýine tyiym salynady.
«Uiymdastyrý-quqyqtyq nysandary men vedomstvolyq baǵynystylyǵyna qaramastan jeke jáne zańdy tulǵalar, kásipkerlik sýbektileri kúsheitilgen sanitarlyq-dezinfektsiialyq rejimdi saqtaý jónindegi epidemiiaǵa qarsy is-sharalardy uiymdastyrýdy jáne júrgizýdi jáne kásiporyndarda, mekemeler men uiymdarda karantindik is-sharalardy odan ári saqtaýdy qamtamasyz etsin.
Aýdandar men Kókshetaý jəne Stepnogorsk qalalarynyń ákimderi qoǵamdyq kólikterdi, áýejailardy, temirjol jáne avtovokzaldardy, sýpermarketterdi, bazarlardy, qoǵamdyq kólikterdiń aialdamalaryn, sporttyq snariadtardy, balalar men sport alańdaryn, oryndyqtardy, bankomattardy, bank terminaldaryn, POS-terminaldardy jýý jáne dizenfektsiialaý quraldarymen óndeýdi qamtamasyz etýge jaýapty», - dep kórsetilgen oblystyń bas sanitarlyq dárigeriniń qaýlysynda.
