Aqmola oblysynyń Jaqsy aýylynda bir úiden úsh eresek adamnyń denesi tabyldy, dep habarlaidy QazAqparat.
Biylǵy qarashanyń 14-de saǵat 10:30 shamasynda Jaqsy aýdandyq PB kezekshi bólimine Jaqsy aýyly Táýelsizdik kóshesi, 30 mekenjaiynda ornalasqan turǵyn úidegi páterden 56 jastaǵy er adamnyń, 50 jastaǵy bir er adam men bir áieldiń denesi tabylǵany týraly habar túsken.
Kóz jumǵan 50 jastaǵy er adam «Jaqsy sý arnasy» kommýnaldyq kásipornynda elektrik bolyp jumys istese, 56 jastaǵy er adam men 50 jastaǵy áiel - jumyssyzdar.
Politsiiaǵa habarlap aitqan adam 50 jastaǵy elektrik telefondy kótermegen soń úiine barǵan, sol kezde páter ishinen úsh adamnyń denesin kórgen.
Aldyn ala anyqtalǵan málimetter boiynsha, úsh adam da iis tiip kóz jumǵan, denelerinde kúsh qoldaný belgileri joq.
Sonymen birge, páter ishinen meditsinalyq etil spirtiniń qaldyǵy bar shólmekter tabyldy.
Oqiǵany Aqmola oblystyq politsiia departamentiniń baspasóz qyzmeti rastady.
Qazirgi kezde sot-meditsinalyq saraptama taǵaiyndalyp, oqiǵanyń mán-jaiy anyqtalyp jatyr.
