اقمولا وبلىسىنىڭ جاقسى اۋىلىندا بٸر ٷيدەن ٷش ەرەسەك ادامنىڭ دەنەسٸ تابىلدى, دەپ حابارلايدى قازاقپارات.
بيىلعى قاراشانىڭ 14-دە ساعات 10:30 شاماسىندا جاقسى اۋداندىق پب كەزەكشٸ بٶلٸمٸنە جاقسى اۋىلى تەۋەلسٸزدٸك كٶشەسٸ, 30 مەكەنجايىندا ورنالاسقان تۇرعىن ٷيدەگٸ پەتەردەن 56 جاستاعى ەر ادامنىڭ, 50 جاستاعى بٸر ەر ادام مەن بٸر ەيەلدٸڭ دەنەسٸ تابىلعانى تۋرالى حابار تٷسكەن.
كٶز جۇمعان 50 جاستاعى ەر ادام «جاقسى سۋ ارناسى» كوممۋنالدىق كەسٸپورنىندا ەلەكتريك بولىپ جۇمىس ٸستەسە, 56 جاستاعى ەر ادام مەن 50 جاستاعى ەيەل - جۇمىسسىزدار.
پوليتسيياعا حابارلاپ ايتقان ادام 50 جاستاعى ەلەكتريك تەلەفوندى كٶتەرمەگەن سوڭ ٷيٸنە بارعان, سول كەزدە پەتەر ٸشٸنەن ٷش ادامنىڭ دەنەسٸن كٶرگەن.
الدىن الا انىقتالعان مەلٸمەتتەر بويىنشا, ٷش ادام دا يٸس تيٸپ كٶز جۇمعان, دەنەلەرٸندە كٷش قولدانۋ بەلگٸلەرٸ جوق.
سونىمەن بٸرگە, پەتەر ٸشٸنەن مەديتسينالىق ەتيل سپيرتٸنٸڭ قالدىعى بار شٶلمەكتەر تابىلدى.
وقيعانى اقمولا وبلىستىق پوليتسييا دەپارتامەنتٸنٸڭ باسپاسٶز قىزمەتٸ راستادى.
قازٸرگٸ كەزدە سوت-مەديتسينالىق ساراپتاما تاعايىندالىپ, وقيعانىڭ مەن-جايى انىقتالىپ جاتىر.
