Aqmola oblysynyń Stepnogorsk qalasynda áskeri boryshyn jedel ótep jatqan sarbaz qaraýyl beketinde atylyp qaldy, dep habarlaidy "Ult aqparat".
QR Ulttyq ulan gvardiiasy «Ortalyq» óńirlik qolbasshylyǵynyń deregi boiynsha, tamyzdyń 18-i kúni tańǵy saǵat 7:25 qatardaǵy jaýynger Roman Daniiaev túzetý mekemesin kúzetý kezinde ózine bekitilgen qarýdan basynan atylyp qaldy. Ol sol jerde jan tásilim etti. 21 jastaǵy jedel áskeri qyzmetker Qaraǵandy oblysynan ásker qataryna shaqyrtylǵan.
«Qyzmetti terrgeý taǵaiyndalyp, onyń mundai qadamǵa barý sebebi anyqtalýda. «Ortalyq» óńirlik qolbasshylyǵy jáne 3517 áskeri bólim qatardaǵy jaýynger Roman Daniiaevtyń týystaryna kóńil aitady», dep túsindirdi QR Ulttyq ulan gvardiiasy «Ortalyq» óńirlik qolbasshylyǵynyń baspasóz qyzmetiniń jetekshisi Qanat Dos.
Onyń aitýyna qaraǵanda, qaza bolǵan jaýyngerdiń ata-anasyna birden habar berilip, denesi týǵan jerine jetkizildi. Keshe ony aqtyq saparǵa shyǵaryp saldy.
