Aqmola oblysynda áskeri bólimdi tastap ketken sarbaz izdestirilýde, dep habarlaidy QazAqparat.
Oblystyq PD baspasóz qyzmetiniń málimetinshe, biylǵy jylǵy qarashanyń 12-de keshki saǵat 21:00 shamasynda Aqkól aýdandyq politsiia bólimine 55209 áskeri bóliminiń qyzmetkeri habarlasqan.
Ol merzimdi qyzmetin ótýge kelgen 21 jastaǵy sarbazdyń bólimde joqtyǵyn aitqan.
Áskeri bólim qyzmetkeriniń aitýynsha, joǵalǵan sarbaz D.F.Artyqbaev 2021 jyldyń 4 qarashasynda Túrkistan oblysynan merzimdi qyzmetin óteýge kelgen.
Qarashanyń 12-de keshki saǵat 19:30 tekserý kezinde ol bólimdi óz erkimen tastap ketken.
«Joǵalǵan sarbazdy izdeýge áskeri bólimniń jeke quramynan izdeý toby quryldy. Sonymen birge, Aqmola oblystyq PD aýdandyq Politsiia bólimsheleri, Aqkól aýdandyq PB jeke quramy, sondai-aq, jelilik politsiia patrýli men qoǵam ókilderi jumyldyryldy», - dep atap ótti QazAqparat tilshisiniń saýalyna vedomstvonyń baspasóz qyzmetindegiler.
Qazirgi kezde joǵalǵan sarbazdyń qaida ekeni belgisiz, izdeý jumysy jalǵasyp jatyr.
