اقمولا وبلىسىندا ەسكەري بٶلٸمدٸ تاستاپ كەتكەن سارباز ٸزدەستٸرٸلۋدە, دەپ حابارلايدى قازاقپارات.
وبلىستىق پد باسپاسٶز قىزمەتٸنٸڭ مەلٸمەتٸنشە, بيىلعى جىلعى قاراشانىڭ 12-دە كەشكٸ ساعات 21:00 شاماسىندا اقكٶل اۋداندىق پوليتسييا بٶلٸمٸنە 55209 ەسكەري بٶلٸمٸنٸڭ قىزمەتكەرٸ حابارلاسقان.
ول مەرزٸمدٸ قىزمەتٸن ٶتۋگە كەلگەن 21 جاستاعى ساربازدىڭ بٶلٸمدە جوقتىعىن ايتقان.
ەسكەري بٶلٸم قىزمەتكەرٸنٸڭ ايتۋىنشا, جوعالعان سارباز د.ف.ارتىقباەۆ 2021 جىلدىڭ 4 قاراشاسىندا تٷركٸستان وبلىسىنان مەرزٸمدٸ قىزمەتٸن ٶتەۋگە كەلگەن.
قاراشانىڭ 12-دە كەشكٸ ساعات 19:30 تەكسەرۋ كەزٸندە ول بٶلٸمدٸ ٶز ەركٸمەن تاستاپ كەتكەن.
«جوعالعان ساربازدى ٸزدەۋگە ەسكەري بٶلٸمنٸڭ جەكە قۇرامىنان ٸزدەۋ توبى قۇرىلدى. سونىمەن بٸرگە, اقمولا وبلىستىق پد اۋداندىق پوليتسييا بٶلٸمشەلەرٸ, اقكٶل اۋداندىق پب جەكە قۇرامى, سونداي-اق, جەلٸلٸك پوليتسييا پاترۋلٸ مەن قوعام ٶكٸلدەرٸ جۇمىلدىرىلدى», - دەپ اتاپ ٶتتٸ قازاقپارات تٸلشٸسٸنٸڭ ساۋالىنا ۆەدومستۆونىڭ باسپاسٶز قىزمەتٸندەگٸلەر.
قازٸرگٸ كەزدە جوعالعان ساربازدىڭ قايدا ەكەنٸ بەلگٸسٸز, ٸزدەۋ جۇمىسى جالعاسىپ جاتىر.
