Arheologiialyq qazabalar árqashan jastardyń tarihqa degen qyzyǵýshylyǵyn týdyryp, tereńdete túsedi, jańa ǵylymi bilim beredi. Qazbalar nátijesinde tabylatyn ártúrli synyqtar men usaq elementter ata-babalarymyzdyń ómiri men turmysynyń tutas beinesin qalyptastyrýǵa kómektesedi.
Sh. Ýálihanov atyndaǵy Kókshetaý memlekettik ýniversitetiniń, A. Myrzahmetov atyndaǵy Kókshetaý ýniversitetiniń, QR IIM TJ komitetiniń Kókshetaý tehnikalyq institýtynyń stýdentteri, Kókshetaý q. men Zerendi aýdanynyń oqýshylary arheologiialyq ekspeditsiialarǵa qatysýǵa múmkindik aldy, dep habarlaidy Aqmola oblysynyń ishki saiasat basqarmasy.
Ekspeditsiia Aqmola oblysyndaǵy tarihi-mádeni murany qorǵaý jáne paidalaný ortalyǵynyń «Sakraldy geografiia» arnaiy jobasy men «Qazynaly qazba – ult qundylyǵy» jobasyn júzege asyrý aiasynda uiymdastyryldy.
- Atalǵan is-shara Aqmola oblysynyń tarihi-mádeni muralaryn jáne jalpy arheologiiany damytýdyń «Aýqymdy jobasy» boldy. Ol is-sharalar tsiklin qurady: óńirdiń kieli nysandary týraly bilim blogyn qalyptastyrý, olardy keiinnen oqý oryndarynda, ǵylymi jáne bilim berý ortalyqtarynda ilgeriletý jáne eskalatsiialaý, ekotýrizm salasyn damytý, - dep atap ótti ortalyqtyń bas inspektory Serik Ysqaqov.
Máselen, Zerendi aýdanynda erte temir dáýiri kezeńiniń jerleý kezinde 31 artefakt tabylǵan saq áskerleriniń eki qorymy (b.z. d. VII) tabyldy.
Býrabai aýdanynda, Jańatalap aýylynyń mańaiynda arheologiia eskertkishi – Jańatalap III beiiti ornalasqan. Tarihi - mádeni murany qorǵaý jáne paidalaný ortalyǵynyń arheologtarynyń jetekshiligimen stýdentter, oqýshylar qorǵaý-qutqarý jumystaryn uiymdastyrdy. Sebebi, qorǵaý-qutqarý jumystaryńsyz qorǵandar, qonystar tabiǵi, antropogendik, adam faktorlarynyń saldarynan joǵalýy múmkin.
Aita ketcek, 2016 jyly zerttelgen bul qorym jerleý rásimin kórsetedi jáne qola dáýirindegi Soltústik Qazaqstan taipalarynyń ornalasý tarihy týraly aqparat beredi. Zertteý kórsetkendei, qorymda Andronov mádenietiniń qola kezeńine jatatyn 6 qorǵan bar.
