Aqmola oblysynda Rodina aýylynyń mańynda An-2 ushaǵy qulady, dep habarlaidy Tótenshe jaǵdailar komitetiniń baspasóz qyzmeti.
"20 maýsymda saǵat 10:00 shamasynda Aqmola oblysy Tselinograd aýdanyna qarasty Rodina aýylynan 10 shaqyrym jerde himiialyq óńdeý kezinde An-2 ushaǵy qulady. Apat saldarynan áýe kemesiniń komandiri qaza tapty, jaraqat alǵan ekinshi ushqysh pen tehnik–kómekshi aýrýhanaǵa jetkizildi", - dep habarlady komitettegiler.
Ushaq apatynyń sebebi anyqtalyp jatyr.
"Ushqysh oqiǵa ornynda qaza boldy. Onyń kim ekeni anyqtalyp jatyr", - dep málimdedi tótenshe jaǵdailar komitetinen.
An-2 (Aýyzeki tilde "Kýkýrýznik" dep aitylyp júr) — jeńil ushaq, ol jergilikti áýe jelisinde jolaýshy jáne júk kóligi retinde paidalanylady.
Aita ketsek, biyl sáýir aiynda Qaraǵandyda jeńil aviatsiia ushaǵy "Balapan" aerodromynda qulaǵan bolatyn. FK-14 "Polaris" oqý-jattyǵý jumystaryn júrgizip jatqan.
Ótken jyldyń qazanynda azamattyq aviatsiia komiteti shuǵyl túrde 17 ushaq – 14 An-2 jáne úsh Tecnam-men ushý toqtatylǵanyn habarlady.
