Aqmola oblysynda 14-shi sáýirdegi jaǵdai boiynsha taǵy eki adam koronavirýs juqtyrdy. Oblys boiynsha atalmysh dertke shaldyqqandar sany 73-ti qurady, onyń tórteýi kóz jumdy, dep habarlaidy "Ult aqparat" oblystyq densaýlyq saqtaý basqarmasyna silteme jasap.
«Kókshetaý qalasynyń turǵyny 1995 jylǵy áiel COVID-19 tabylǵan 1998 jylǵy er adammen jaqyn bailanysta bolǵan. Ol naýryzdyń 25-de qonaqqa barǵan, onda Almatydan kelgen qonaqtar bolǵan.
Jalpy, atalmysh otbasy boiynsha 6 adamnyń bailanysta bolǵany anyqtaldy. Onyń 4-ýi úi karantinine alynǵan. Iaǵni, 2005 jylǵy jasóspirim Aqmola oblystyq kópeiindi oblystyq balalar aýrýhanasynyń, al 1967 jylǵy er adam Aqmola oblystyq týberkýlezge qarsy dispanseriniń provizorlyq stantsionaryna asqynǵan respiratorly virýsty infektsiia diagnozymen jatqyzyldy.
Osy jaǵdai boiynsha bailanysty bolǵan 31 adam anyqtaldy. Olardyń ishinde 27 adam jaqyn bailanysta bolsa, taǵy 4 adam sol bailanysta bolǵanadamdarmen qatynasqan. Olardyń arasynda 4 adam karantindik stantsionar jáne 2 adam prvizorlyq stantsionarǵa ornalastyryldy», - deidi Aqmola oblysynyń densaýlyq saqtaý basqarmasyndaǵylar.
Vedomstvodan atap ótkendei, Aqmola oblystyq taýarlar men qyzmetterdiń sapasy men qaýipsizdigin baqylaý departamentiniń mamandary sanitarlyq-epidemiologiialyq sharalardy júrgizýde.
«Ekinshi jaǵdai Tselinograd aýdanynda 1994 jylǵy júkti áielden (júktiligi 18-20 apta) anyqtaldy. Ol «Shapaǵat» áleýmettik qyzmet kórsetý ortalyǵynda sanitar bolyp jumys istegen, osynda koronavirýs tabylǵan adammen bailanysta bolǵandyqtan karantindik stantsionarda jatqan», - dep tolyqtyrdy densaýlyq saqtaý basqarmasyndaǵylar.
Aita keteiik, qazirgi kezde óńirdegi stantsionarlarda barlyǵy 364 naýqas bar, onyń ishinde 65 adam infektsiialyq, 183 adam provizorlyq jáne 116 adam karantindik stantsionarda. Al, úi karantininde 554 adam bar.
