Foto: aqmola_tjd
Aqmola oblysy Sandyqtaý aýdany tótenshe jaǵdai basqarmasynyń qyzmetkerleri "Orman" profilaktikalyq is-sharasyn ótkizý kezinde tarihi olja tapty, dep habarlaidy "Ult aqparat" Oblystyń tótenshe jaǵdailar departamentine silteme jasap.
Departament ókilderiniń málimetinshe, artefakt jóninde sheteldik ǵalymdar da habardar eken.
"Artefakt – tasqa belgilengen adamnyń kelbeti. Olja týraly Aqmola oblysy tótenshe jaǵdailar departamentine jáne jergilikti ólketaný murajaiyna habarlandy. Budan ári olja týraly aqparat tek Astanadan ǵana emes, tipti alys shetelden kelgen ǵalymdarǵa da málim boldy. Tótenshe jaǵdailar departamentiniń qyzmetkerleri qonaqtardy eskertkishpen tanystyrdy", - delingen habarlamada.
Ázirge ejelgi músinniń qai dáýirge jatatyny belgisiz.
"Ǵalymdardyń pikiri ekige bólindi. Keibireýler bul tas qola dáýirinen beri bar dese, al basqalary ony keiingi túrki kezeńine jatqyzady. Tipti, ǵalymdardyń biriniń pikirinshe, Sibirde tabylǵan oljalarǵa uqsastyqtar bar. Qai pikirdiń durystyǵyn ári qarai zertteý sheshedi, biraq qazirdiń ózinde bul jańalyq úlken tarihi qundylyqqa ie dep aitýǵa bolady. Qazirgi ýaqytta artefakt qorǵaýǵa alyndy", - deidi mamandar.
