Aqmola oblysynda 9 sáýir saǵat 10:00 jaǵdai boiynsha COVID-19 juqtyrǵandardyń sany 56 adamǵa jetti, - dep habarlaidy oblystyq densaýlyq saqtaý basqarmasy.
Vedomstvonyń málimetinshe, COVID-19 taǵy 13 adamnan tabyldy. Qaýipti indetti juqtyrǵandardyń aldy 99 jasta, olardyń barlyǵy - arnaiy áleýmettik kómek alýshylar.
«Osyǵan deiin taldaý materialy áleýmettik kómek alýshylar men qyzmetkerlerden (jaqyn bailanysta bolǵan 216 adam) alynǵan edi. Onyń ishinde ortalyqtyń 34 áleýmettik kómek alýshysy jáne 1963 jylǵy qyzmetkeriniń boiynan qaýipti infektsiia anyqtaldy. Bulardyń barlyǵy - 2-shi sáýirde kóz jumǵan Tselinograd aýdanynyń 1947 jylǵy turǵynymen bailanysta bolǵandar», - deidi vedomstvodan.
Sonymen qatar, oblystyń stantsionarynda 371 naýqas jatyr. Juqpaly aýrýlar aýrýhanasynda – 40, provizorlyq ortalyqta – 97, karantindik statsionarda – 234 adam jatyr. Al, úi karantininde 792 adam bar.
