Foto: Tengrinews.kz
Aqmola oblysynda iz-túzsiz joǵalǵan bala káriz qudyǵynan óli tabyldy. Bul týraly LIDER.KZ eriktileri Instagram paraqshasynda jazdy, - dep habarlaidy Tengrinews.kz saity.
"Sábidiń týystary men jaqyndaryna shyn júrekten kóńil aitamyz", - delingen jazbada.
Aqmola oblysy IID baspasóz qyzmetiniń málimetinshe, 8 sáýirde saǵat 22.00 shamasynda Tselinograd aýdanynyń politsiia bólimine Qaraótkel (Ilinka) aýylynyń turǵynynan tórt jasar balasynyń joǵalǵany týraly habarlama túsken.
Ata-anasynyń aitýynsha, saǵat 17.30 shamasynda bala serýendeýge aýlaǵa shyqqan, sodan beri onyń qaida ekeni belgisiz.
"Politsiia qyzmetkerleri dereý izdestirý sharalaryn uiymdastyryp, balanyń denesin úidiń janyndaǵy káriz qudyǵynan tapty.
Qazirgi ýaqytta politseiler qaiǵyly oqiǵanyń mán-jaiyn anyqtaý úshin qajetti jedel-izdestirý sharalaryn júrgizip jatyr. Tergeý qorytyndysy boiynsha protsessýaldyq sheshim qabyldanady", - delingen habarlamada.
