Aqmola oblysynda onomastikalyq komissiia jumysynyń qorytyndysy boiynsha 237 eldi mekenge tarihi ataýlary qaitarylyp, 110 kóshege jańa ataý berildi. Bul týraly aimaq basshysy Málik Myrzalinniń tóraǵalyǵymen memlekettik til saiasatyn júzege asyrý, týristik salany damytýdyń jol kartasyn tanystyrý jáne sporttyq federatsiialar qurý máseleleri qaralǵan apparat məjilisinde aityldy.
Apparat məjilisinde Aqmola oblysynda memlekettik til saiasatyn júzege asyrý jumystary Qazaqstan Respýblikasyndaǵy tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasynyń úshinshi kezeńi, iaǵni 2017-2019 jyldarǵa arnalǵan oblystyq is-sharalar josparyna sáikes negizgi tórt baǵyt boiynsha júrgizilip kele jatqandyǵy jaily oblystyq tilderdi damytý basqarmasynyń basshysy Maral Jaqypova baiandap berdi.
Osy oraida, aimaq basshysy Məlik Myrzalin memlekettik tildi damytý jəne aýqymyn keńeitý baǵytynda qazaq tilin balabaqshada, mektepte, orta jáne joǵary oqý oryndarynda, sonymen qatar tilderdi oqytý ortalyqtarynda oqytýdy jeltildirý boiynsha oblys əkimdigi janynankeńistik organ qurý qajettigin atap ótti.
Aita ketý kerek, biylǵy jyly memlekettik tildi igerý kórsetkishi oblys halqynyń 71 paiyzyn qurady. Al memlekettik tilde qaǵaz ainalymy 98,5 jetti. Onomastikalyq komissiia jumysynyń qorytyndysy boiynsha 237 eldi mekenge tarihi ataýlary qaitarylsa, 110 kóshege jańa ataý berildi. Memlekettik tildi kópshiliktiń qoldanýyna qol jetkizý jáne onyń paidalanylý aiasyn keńeitýdiń ekinshi, Qazaqstandyqtardyń tildik mádenietin kóterýdiń úshinshi jáne Qazaqstan halqynyń lingvistikalyq kapitalyn damytýdyń tórtinshi baǵyttary boiynsha atqarylyp jatqan jumystar men aldaǵy mindetterdiń barlyǵy Elbasynyń «Bolashaqqa baǵdar: Rýhani jańǵyrý» eńbeginde aitylǵan negizgi oilarmen orailas júrgiziletin bolady.
Budan keiin oblys ákiminiń keńesshisi Marat Iǵaliev Aqmola oblysynda týrizmdi damytýdyń 2018-2020 jyldarǵa arnalǵan Jol kartasy jobasyn tanystyrdy.
Onyń sózinshe, bul joba segiz bloktan, 100-den astam is-sharadan turady. Osy baǵytta aǵymdaǵy jyly Astana qalasynda «Visit Aqmola» marketingtik keńsesin ashý kózdelgen. Oǵan qosa, kóktemde óńirde CityPASS Burabay biryńǵai týristik kartasyn engizý siiaqty kóptegen sharalar qarastyrylǵan.
Apparat məjilisinde qysqy Olimpiada oiyndaryna qatysýshylar jaily jáne Sport federatsiialary keńesin qurý jóninde oblystyq dene tárbiesi jáne sport basqarmasynyń basshysy Nadjejda Patiýtkina habarlama jasap, munyń sporttyń jekelegen túrlerin damytýǵa septigini tigizerin aitty. Osy oraida alda qurylatyn federatsiialar jaily aqparat berildi.
