Ekaterinbýrg - Almaty tas jolynda, Aqmola oblysyndaǵy Birsýat aýylynyń mańynda iri jol apaty boldy. 11 kólik soqtyǵysyp, saldarynan bes adam zardap shekti, - dep habarlaidy «Ult aqparat» Tengrinews.kzke silteme jasap.
Jelide Aqmola oblysyndaǵy tasjolda bolǵan iri jol apatynyń videosy tarady.
Ekaterinbýrg - Almaty tasjolynyń 1318-shaqyrymynda, Birsýat aýylyna jaqyn jerde birneshe kóliktiń soqtyǵysty.
"Oqiǵa ornyna barǵan politseiler Toyota Camry kóliginiń 29 jastaǵy júrgizýshisi qashyqtyqty saqtamai, jyldamdyqty shekten asyryp, sol baǵytta kele jatqan Volkswagen Polo kóligimen soqtyǵysqanyn anyqtady. Oqiǵa saldarynan 11 kólik soqtyǵysty", - dep habarlady Aqmola oblysynyń politsiia departamenti.
Politsiia aýrýhanaǵa jaraqat alyp, zardap shekken bes adam jetkizilgenin habarlady.
