Aqmola oblysy Nur-Sultan qalasyna azyq-túlik jetkizý kólemin ulǵaitty, dep habarlaidy "Ult aqparat" oblys ákimdiginiń baspasóz qyzmetine silteme jasap.
«Elorda ainalasynda azyq-túlik beldeýi sheberinde Aqmola oblysy Nur-Sultan qalasyna azyq-túlik jetkizý kólemin ulǵaitty. Onyń ishinde et ónimi - 1,8 paiyz (7,2 myń tonnaǵa deiin), sút - 1,7 paiyz (14,3 myń tonna), jumyrtqa - 3,2 paiyz (67,2 million danaǵa deiin) artty.
Oblysta et óndirisi 32,8 paiyzǵa, shujyq ónimderi 1,2 paiyzǵa, un 22,3 paiyzǵa, óńdelgen sút 8,1 paiyzǵa, ósimdik maiy 36,6 paiyzǵa ulǵaiǵan.
Bul týraly oblystyq ekonomika jáne biýdjettik josparlaý basqarmasynyń basshysy Qanat Dúzelbaev aitty.
Sonymen birge, oblysta azyq-túlikti tutyný indeksi 101,8 paiyzdy qurady. Kartop (20,5 paiyzǵa), qant (11,6 paiyzǵa), qyryqqabat (na 8,3 paiyzǵa), sábiz 9 (paiyzǵa), siyr eti (8,1 paiyzǵa), sarymsaq (5,4 paiyzǵa), 1 sortty nan (3,2 paiyzǵa), makaron (3 paiyzǵa), qaraqumyq jarmasy (2,4 paiyzǵa), sary mai (2,3 paiyzǵa) baǵasy qymbattady. Áleýmettik mańyzdy azyq-túlik taýarlaryna infliatsiia kólemi - 102,6 paiyz (respbýlika boiynsha 8-oryn).
Aýyl sharýashylyǵy taýarlarynyń naqty kólem indeksi 104 paiyzdy nemese 38 millard teńgeni qurady.
Kóktemgi dala jumystaryn uiymdastyrý úshin Úkimet tarapynan oblysqa 68 tonna dizel otyny bólingen.
«Áleýmettik mańyzdy azyq-túlik taýarlary baǵasynyń negizsiz ósýine jol bermeý baǵytyndaǵy jumystardy odan ári jalǵastyrý kerek. Budan bólek, áleýmettik az qamtylǵandar, kópbalaly otbasylar, sonymen qatar, ataýly áleýmettik kómek alatyndardy áleýmettik qoldaý jumysy da jalǵasýy tiis. Oblystyq densaýlyq saqtaý basqarmasy aýdan jáne qala ákimdikterimen birlesip, ana men náreste ólimin azaitýdy, meditsinalyq mekmelerdi tsifrlandyrýdy ulǵaitýdy, onkologiialyq jáne ózge de aýrýlardy erte anyqtaýdy qamtamasy etýdi, dáriger mamandardyń tapshylyǵyn azaitýdy tapsyramyn», - dedi Ermek Marjyqpaev.
