Aqmola oblysy Ereimentaý aýdany Erkinshilik aýylynyń ishinde sileýsinniń júrgen videosy «WhatsApp» messendjeri arqyly tarady, dep habarlaidy QazAqparat QR EGTRM Orman sharýashylyǵy jáne janýarlar dúniesi komitetiniń baspasóz qyzmetine silteme jasap.
Qar jamylǵysynyń ulǵaiýy nátijesinde jabaiy janýarlar azyq izdep eldi mekenderge jaqyn jerlerge kelýge májbúr.
Máselen, 2022 jylǵy 17 aqpanda «Shoshanova A.K» men «Astana qalasy men Aqmola oblysynyń ańshylar men balyqshylar qoǵamy JK», QB qoryqshylyq qyzmetimen birlesip Erkinshilik aýylynyń aýmaǵy tekserildi. Boljam boiynsha, joǵaryda atalǵan sileýsin orman alqabynan shyqqan, óitkeni onyń azyǵy sanalatyn janýarlar (elik, qoian) eldi mekenderdiń janynda jinalady.
Tekseris nátijesinde sileýsin Erkenshilik aýylynan orman alqaby baǵytyna shyqqandyǵy anyqtaldy. Jaǵdai baqylaýǵa alyndy.
Aita keteiik, aýyl turǵyndarynan úi janýarlaryna shabýyl jasaldy degen shaǵymdar túsken joq.
