Aqmola oblysy Ishki saiasat basqarmasynyń qoldaýymen «Rýhani jańǵyrý» Óńirlik jobalyq keńsesi men «EL Jastar» teatry birlesken «Aqmola oblysy aqyn-jazýshylarynyń aýdiokitaptary» seriiasynyń shyǵarmalar tizimi belgili boldy. Bul týraly olystyq «Rýhani jańǵyrý» jobalyq keńsesi ókilderi habarlady.
Atap aitsaq, tizimge Sáken Júnisovtiń «Aqan seri», Tólegen Qajybai «Aibozym», Sábit Muqanov «Balýan Sholaq», Estai Myrzahmetov «Medet», Iliias Esenberlin «Qahar», Kákimbek Salyqov «Úkili Ybyrai», Málik Ǵabdýllinniń epistoliarlyq álemi, Erik Asqarov «Armanymnyń aq qusy», Shoqan Ýálihanovtyń «Ertegiler» atty shyǵarmalary endi.
«Aqyldastar alqasynyń qataryna Qýanysh Ospan, Gúlnaz Bóken, Muhamed Qońqaev, Sársenbai Hasenov, Mergen Toqsanbai, Baqytbek Bekmurat, Tabysbek Úsen, Nurbolat Álmenov, Talapker Ýáliev, Hakim Hasambai, Qairat Seitqazin engen bolatyn. Osy aqyldastar alqasynyń sheshimimen aýdiokitap bolyp jazylatyn shyǵarmalardyń tizimi bekitildi», - deidi óńirlik "Rýhani jańǵyrý" jobalyq keńsesi mamandary.
«Mundai joba Aqmola oblysynda alǵash ret qolǵa alynyp otyr. Basty erekshelik - qalamger shyǵarmasyndaǵy ár keiipker jeke-jeke dybystalyp, kásibi mamandar jumyldyrylmaq. Aýdiokitaptardyń sapasyna basa mán beriledi», - deidi jobany uiymdastyrýshylar.
Kitapttardyń aýdio nusqasy "ZhakonDRA Films" stýdiiasynda jazylady. Jaqyn arada birinshi aýdiokitaptyń tusaýy kesilmek.
Aita ketsek, jaqynda Aqmola oblysy qalamgerleriniń úzdik on shyǵarmasy aýdiokitap bolyp jaryq kóretinin habarlaǵan bolatynbyz.
