Aqmola oblysynyń ákimi Málik Myrzalinniń tóraǵalyǵymen Aqkól aýdanynda ótken kóshpeli ákimdik májilisinde óńirdiń 2018 jylǵy áleýmettik-ekonomikalyq damýynyń qorytyndylary jáne 2019 jylǵa arnalǵan mindetteri talqylandy. Bul týraly oblys əkimdiginiń baspasóz qyzmeti habarlady.
Májilis bastalmas buryn sharaǵa qatysýshylar, oblys ákiminiń orynbasarlary, aýdandar jəne qalalardyń ákimderi men orynbasarlary, departamentter men basqarmalardyń jəne vedomstvolardyń basshylaryna Aqkól qalasyna ekskýrsiia uiymdastyrylyp, elimizdegi tuńǵysh «Aqyldy qala» - «Smart Aqkol» jobasy sheńberinde júzege asyrylǵan igi jańalyqtar tanystyryldy.
Aita keteiik, aǵymdaǵy jylǵy qańtardyń 22-de Elbasy Nursultan Nazarbaev Aqkól qalasynda bolyp, elimizdegi tuńǵysh jasalǵan sheńberinde júzege asyrylǵan jobamen tanysyp, «Smart city - aqyldy qala» zamanaýi tehnologiialaryn engizý pilottyq jobasyna oń baǵa bergen edi. Endi mine, Qazaqstan boiynsha tuńǵysh bolyp otyrǵan osy «Aqyldy qala» - «Smart Aqkol» jobasymen oblys aktivin keńinen tanystyrýdyń múmkindigi jasalyp otyr.
«Biznes-protsesster oblystyq qurylymdarǵa ǵana emes, respýblikalyqtarǵa da qatysty. Ər vedomstvonyń bolyp jatqan oqiǵaǵa jedel áreket etýde óz hattamasy men mehanizimi bar. Ahýaldyq ortalyqta turǵyndardyń saýalyna jedel áreket etetin bilikti jəne daiarlyqtan ótken mamandar bolýy tiis. Óz kezeginde adamdardyń atalmysh ortalyqtyń qyzmetin sapaly qoldanýlary úshin halyqqa túsindirý jumystaryn júrgizý qajet», dedi Məlik Myrzalin.
Aqmola oblysy əkiminiń baspasóz qyzmetiniń málimeti boiynsha, kóshpeli májilis otyrysynda aldymen óńirdiń 2018 jylǵy áleýmettik-ekonomikalyq damýynyń qorytyndylaryna nazar aýdaryldy. Bul týraly oblystyq ekonomika jáne biýdjettik josparlaý basqarmasynyń basshysy Qanat Dúzelbaev jan-jaqty túsindirip aityp berdi.
Ótken jylǵy ekonomikanyń árqily salasyndaǵy tabystar týraly aitatyn bolsaq, oblys ekonomikasynyń barlyq salasynda oń kórsetkishterge qol jetkizildi. Taý-ken óndirisi, óńdeýshi ónerkəsip jəne azyq-túlik ónimderin óndirýde naqty kólem indeksiniń artqany baiqaldy. Aýyl sharýashylyǵy ónimderin óndirý kólemi 397 milliard teńgeni qurady. Oblys ekonomikasyna 210 milliard teńge jeke investitsiia tartyldy. Jańa óndeýshi kásiporyndardyń ashylýy mai óndirisin 1,8 esege, ósimdik maiyn - 19 paiyzǵa, et - 12 paiyzǵa, óńdelgen sút - 10 paiyzǵa attyraýǵa múmkindik berdi.
Sonymen qatar, turǵyn úi qurylysy artyp, 478 myń sharshy metr baspana paidalanýǵa berildi. Bul iaǵni,4707 pəter. Oblysta úsh aýysymdyq məselesin sheshý maqsatynda 4 jańa mektep paidalanýǵa berildi. Onyń biri, Kókshetaý qalasyndaǵy IT mektep-litseii. Qazirgi kezde, 5 mekteptiń qurylysy júrgizilip jatyr.
Al, biýdjettiń oryndalýy týraly Aqmola oblysynyń qarjy basqarmasy basshysynyń mindetin atqarýshy Tatiana Belaia aityp berdi. Onyń aitýynsha, biýdjet kólemi 225,8 milliard teńgeni qurady. Biýdjettiń shyǵys bóligi 99,9 paiyzǵa oryndaldy. Bul respýblika boiynsha ortasha kórsetkishten joǵary.
Sonymen qatar, májiliste Aqmola oblysynyń Politsiia departamentiniń bastyǵy Erjan Sədenov vedomstvonyń 2018 jylǵy atqarylǵan jumystarynyń qorytyndysy týraly aityp berdi.
