videodan alynǵan kadrlar
Aqkenttegi órt kezinde qaza tapqan turǵynnyń otbasyna eki bólmeli páter beriledi, dep habarlaidy Sputnik Qazaqstan "Ayt housing Complex" JShS baspasóz qyzmetine silteme jasap.
Kompaniia marqum Ásel Bekmuhambetovanyń otbasyna óteýsiz negizde eki bólmeli páter beredi. Sondai-aq, qurylys salýshy órt shyqqan úide qalpyna keltirý jumystaryn júrgizýge ýáde berdi.
"Biz óz bastamamyzben úidi qalpyna keltirý shyǵyndaryn ózimizge alýǵa daiynbyz", - dedi Ayt housing Complex qurylys kompaniiasynyń bas direktory Qanat Eraliev "Aqkent" turǵyndarymen kezdesý barysynda.
54 kóppáterli turǵyn úi 2017 jyldyń 7 tamyzynda paidalanýǵa berilgen. Alaida 2020 jyldyń qańtaryna deiin bos turǵan.
""Ayt housing Complex" JShS osy úidiń tapsyrys berýshisi jáne menshik iesi bolyp tabylmaidy. Bul úige turǵyndar tek 2020 jyly qonystandy, úidiń iesi jańardy. Turǵyn úi kesheninde qyzmet kórsetetin basqarý organy "Aqkent TK" menshik ieleri birlestigi", - deidi "Ayt housing Complex" JShS.
Aqkenttegi órt shyqqan úidiń liftisi tehnikalyq tekserýden ótkenine bir ai bolmaǵan.
"Liftilerge keletin bolsaq, bul turǵyn úide Mitsubishi liftiniń brendi 2015 jyldan bastap jumys isteidi. "AG MELKO Elevator Kazahstan Kompani" JShS lift kompaniiasy qyzmet kórsetedi. Liftterdi sońǵy tehnikalyq kýálandyrý 2023 jyldyń 27 shildesinde júrgizildi", - deidi "Ayt housing Complex" JShS baspasóz qyzmeti.
