video skrinshoty
Almaty qalalyq tótenshe jaǵdailar departamenti "Aqkent" shaǵyn aýdanynda otqa oranǵan kópqabatty úide órt qaýipsizdigi talaptarynyń saqtalmaǵanyn málimdedi, dep habarlaidy Sputnik Qazaqstan.
Departament bastyǵynyń mindetin atqarýshy Erlan Álibekovtyń aitýynsha, úide tútinge qarsy júieler durys jumys istemegen. Ondai qurylǵylar tútinniń býdaqtalyp jinalýyna jol bermeidi. Budan bólek turǵyn úilerde tútin kirmeitin evakýatsiialyq baspaldaqtar bolady. Esikteri ózdiginen jabylady. Biraq órt bolǵan úide evakýatsiialyq baspaldaqtardyń esikteri jabylmai turǵan. Sonyń saldarynan úidi qalyń tútin basqan.
"Kópqabatty úilerde apattyq jaǵdaida shyǵý joldary bolýy kerek. Ondaida besinshi qabattan bastap balkon arqyly liýktar bolady. Barlyǵynda temir baspaldaq ornatylady. Osy liýktardyń bárin jaýyp tastaǵan. Ashyq bolǵanda joǵarǵy qabattardan besinshi qabatqa deiin túsýge bolatyn edi. Sol jerden órt sóndirýshilermiz qol baspaldaqtarymen alyp shyǵa alady", - dedi Álibekov arnaiy brifingte.
Onyń aitýynsha, qazirgi ýaqytta tótenshe jaǵdailar mamandary qurylys kezinde órt qaýipsizdigi talaptaryn teksere almaidy. Sebebi shaǵyn jáne orta biznesti tekserýge tyiym salynǵan.
Aqkentegi 16 qabatty úi 2017 jyly salynǵan. Biraq 2020 jylǵa deiin paidalanýǵa berilmegen.
