Foto: Nikita Basov
Almaty ákimi Erbolat Dosaev Alataý aýdanyna jumys sapary Boraldai shaǵyn aýdanyndaǵy sýmen jabdyqtaý jáne káriz jelileri qurylysynyń barysymen tanysty, dep habarlaidy Ult.kz.
2014 jyly qalaǵa qosylǵan shaǵyn aýdanda injenerlik jeliler bolǵan joq. 2019 jyly tek 8,2 km magistraldyq jeliler salyndy. Osy jyldyń qyrkúiek aiynda qala basshysynyń tapsyrmasy boiynsha 76,4 km jeli, onyń ishinde 52,1 km – sý qubyry jáne 24,3 km – káriz qurylysyn kózdeitin aýqymdy joba bastaldy. Osylaisha, Alataý aýdany ákimdiginiń málimeti boiynsha Boraldai shaǵyn aýdanynyń 4 myńnan astam turǵyny ortalyq kommýnikatsiialarmen qamtylatyn bolady.
Foto: Nikita Basov
Búgingi tańda 7 km jeli salyndy. Nysandardyń qurylysyn aiaqtaý jáne paidalanýǵa berý 2025 jyldyń qazan aiyna josparlanyp otyr.
Erbolat Dosaev Alataý aýdanynyń ákimine jumystardy oryndaý kestesi men sapasyn baqylaýda ustaýdy tapsyrdy. Qala basshysy joba belgilengen merzimde aiaqtalyp, barlyq standarttarǵa sai bolýy tiis ekenin atap ótti, óitkeni sýmen jabdyqtaý jáne káriz júiesi jaily jáne qaýipsiz turýdyń negizi bolyp tabylady.
Foto: Nikita Basov
Esterińizge sala keteiik, Almatyda injenerlik infraqurylymdy jańǵyrtý jumystary belsendi júrgizilýde. Osy jyldyń 9 aiynda 219 km jańa sýmen jabdyqtaý jáne sý burý jelileri salyndy, 27,3 km qoldanystaǵy jeliler jańǵyrtyldy. 2025 jyly taǵy 240 km qurylys jáne 48 km jelini jańǵyrtý josparlanǵan.
Osylaisha, 100 myńǵa jýyq qala turǵyny úshin qabyldanǵan sharalar kesheniniń arqasynda injenerlik jelilerdiń joǵary tozýyna bailanysty sýmen jabdyqtaý men sý burýdyń kópjyldyq problemasy sheshiletin bolady.
Foto: Nikita Basov
