Biyl «Nurly jer» baǵdarlamasy aiasynda barlyq qarjylandyrý kózderi esebinen 14 mln sharshy metrden astam jańa turǵyn úi salý josparlanǵan. Bul týraly QR Indýstriia jáne infraqurylymdyq damý ministrliginen málim boldy, dep habarlaidy "Ult aqparat".
«Ákimdikter memlekettik investitsiialar esebinen 269 mlrd teńgege áleýmettik turǵyn úi jáne turǵyn úi qurylysy aýdandaryna infraqurylym salý boiynsha 730 jobany iske asyrady», - delingen ministrlik habarlamasynda.
Sonymen qatar, «Nurly jer» baǵdarlamasy aiasynda jer ýchaskesi jáne bekitilgen jobalyq-smetalyq qujattamasy, aiaqtalmaǵan obektileri bar ákimdikter men jeke qurylys salýshylar kezekte turǵandar úshin kredittik turǵyn úi jobalaryn iske asyrýda memlekettik-jekeshelik áriptestik tetigin paidalanýda.
Budan buryn habarlanǵandai, salynyp jatqan obektilerdi tapsyrý merziminiń buzylýyna jol bermeý maqsatynda, ákimdikterge qurylys-montaj jumystaryn júrgizý kestesin qaita qaraý jáne karantindik sharalardy alyp tastaǵannan keiin, áleýmettik mańyzy bar obektilerdiń qurylys qarqynyn kúsheitý qajettigi týraly usynymdar joldandy.
