Ákimderdiń halyqpen kezdesýi – bilik pen qoǵam dialogyn ornatatyn mańyzdy baǵyt. Mundai pikirdi «Rýhani jańǵyrý» qazaqstandyq qoǵamdyq damý institýtynyń basqarma tóraǵasy Qazbek Maigeldinov bildirdi, dep habarlaidy QazAqparat.
«Ákimderdiń halyqpen kezdesýi – bilik pen qoǵamnyń, ásirese óńirlerdegi dialogyn ornatýǵa negizdelgen keri bailanystyń mańyzdy baǵyty. Jańa ózgeristerge sáikes, ákimder kezdesý aiaqtalǵannan keiin azamattardy jeke qabyldaidy. Sodan keiin problemaly máseleler júielenip, olardy qarjylandyrý máslihat sessiiasynda qarastyrylady. Osylaisha, Qazaqstan Respýblikasynyń barlyq eldi mekeninde tiisti óńirlerdiń basshylyq quramymen kezdesýler ótedi», - dep jazdy ol Facebook paraqshasynda
Onyń atap ótýinshe, kezdesýler halyqtyń talabymen jáne kúntizbeden tys qajet bolǵan jaǵdaida ótkizilýi múmkin.
Eger buǵan deiin ondai kezdesýler esep berý úshin ǵana uiymdastyrylsa, endi bul mindetti shart bolady.
Buǵan qosa, turǵyndardyń talabymen kezdesý birneshe márte ótýi de múmkin.
«Bul rette azamattardyń belsendi ustanymy da mańyzdy. Sonymen qatar barlyq deńgeidegi ákimder toqsan saiyn resmi internet-resýrstarda jáne «elektrondy úkimet» veb-portalynda kezdesý barysynda halyq kótergen problemaly máselelerdiń sheshilý barysy týraly aqparat jariialaýy tiis. Halyqpen sóilesip, olardyń máselelerin sheshý qajet. Tetikteri belgilendi. Eń bastysy - oryndalýy jáne baqylanýy», - dedi Qazbek Maigeldinov.
