Ákimderdiń halyqqa esep berý tártibi jiti retteledi. Bul týraly QR Prezidenti janyndaǵy Qazaqstannyń strategiialyq zertteýler institýty direktorynyń orynbasary Sabina Sabieva aitty, dep habarlaidy QazAqparat.
«Búgin Prezidenttiń jańa, mańyzdy Jarlyǵy jariia etildi. Qujat ákimderdiń halyq aldynda esep berý tártibin jiti retteidi. Osy rette Jarlyq mátinindegi mańyzdy eki máselege nazar aýdartqym keledi. Birinshiden, esep berý kezdesýin ótkizý protsedýrasy tyńǵylyqty reglamentteledi. Mundai reglament óte mańyzdy. Ol atqarýshy bilik ishindegi baqylaýdy da, azamattyq baqylaýdy da kúsheitedi. Ekinshiden, kezdesý mazmunyna qatysty naqty norma engiziledi», - dedi ol.
Osy rette spiker ákimderdiń halyqpen kezdesýi bir akterdiń qoiylymy siiaqty jasandy ótetini eshkimge jasyryn emestigin basa aitty.
«Aldyn ala daiyndalǵan suraqtar ǵana qoiylatyn. Endi «suraq-jaýap» bólimine búkil kezdesýdiń tórten úsh bóligi beriletin bolady. Qujattaǵy kezdesýge daiyndyq bóligine qatysty jeri de kóńilimnen shyqty. Jarlyq kezdesý aldynda azamattardyń shaǵymdaryn, aryzdaryn, ótinishterin jinaýdy jáne saraptaýdy mindetteidi. Al bul jait ákimge sóileitin sózin daiyndaýda septigin tigizetin bolady», - dedi Sabina Sadieva.
