Halyqty jappai vaktsinalaý máselesi boiynsha aqparattyq túsindirý jumystaryn belsendi júrgizý qajet. Bul týraly Úkimet otyrysynda QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Epidemiologiialyq jaǵdai Úkimettiń kúndelikti baqylaýynda. Óńirlerde qajetti kólemde vaktsina bar. Degenmen kelesi baǵyttar boiynsha naqty is-sharalar qabyldanýy qajet. Birinshiden, ákimderden halyqty vaktsinalaý boiynsha jumysty ary qarai kúsheitýdi suraimyz. Onyń ishinde aýyl turǵyndaryn egýmen qamtýdy arttyrý qajet. Ekinshiden, halyqty jappai vaktsinalaý máselesi boiynsha aqparattyq túsindirý jumystaryn belsendi júrgizý mańyzdy. Egý pýnktteriniń jumysy týraly jáne qoljetimdi vaktsinalar jónindegi aqparat turǵyndarǵa keńinen taratylýy qajet», - dedi vitse-premer.
Úshinshiden, Eraly Toǵjanov kásipkerlik nysandaryna «Ashyq» jobasyn engizý jumystaryn jalǵastyrý kerektigin basa aitty.
«Búginde bul baǵdarlama respýblika boiynsha 3 myńǵa jýyq biznes sýbektileriniń shekteý is-sharalaryna qaramastan qalypty jaǵdaida jumys isteýine múmkindik berip otyr. Búginde 650 myń adam osy baǵytta jumys istep jatyr. Alaida, baǵdarlamany bizneske engizý kórsetkishteri Aqmola, Túrkistan, Soltústik Qazaqstan, Qostanai oblystarynda áli de tómen. Bul baǵytta barlyq óńirde jumys kúsheitilýi qajet. Onyń ishinde vebkovid aqparat júiesine aýrýǵa shaldyqqandar jáne bailanysta bolǵandar týraly derekterdi ýaqytynda engizý ákimderdiń erekshe baqylaýynda bolýy tiis», - dedi ol.
