Oblystardyń jáne respýblikalyq mańyzy bar qalalardyń ákimderi sporttyq jáne ózge de buqaralyq, sonymen qatar otbasylyq, eske alý sharalardyń ótkizilýine tyiym salynýyn qamtamasyz etýi tiis. Bul jaiynda QR Bas sanitarlyq dárigeri Aijan Esmaǵambetova qol qoiǵan el halqyn koronavirýs infektsiiasynan qorǵaý sharalaryn odan ary kúsheitý týraly qaýlysynda aitylǵan, dep habarlaidy "Ult aqparat".
Atalǵan qaýlyǵa sáikes, oblystardyń, Almaty, Nur-Sultan jáne Shymkent qalalarynyń ákimderi sporttyq jáne ózge de buqaralyq, sonymen qatar otbasylyq, eske alý sharalardyń ótkizilýine tyiym salynýyn qamtamasyz etýi tiis. Saýda, oiyn-saýyq ortalyqtarynyń, kin o teatrlardyń, teatrlardyń, kórmelerdiń jáne adamdar kóp jinalatyn ózge de nysandardyń jumysyna tyiym salynady. Dini nysandardyń da esikteri ázirshe kelýshiler úshin jabyq.
Munan bólek, ákimder ákimdikter janyndaǵy utqyr toptardyń kúshimen nysandardyń keibirine tekserý júrgizýdi jáne indetke qarsy rejim talaptar oryndalýyn saqtaýǵa monitoring júrgizi qajet. Ásker qataryna shaqyrylýshylar áskeri bólimge kelgennen keiin PTR (polimerazdy tizbekti reaktsiia) ádisimen COVID-19-ǵa zerthanalyq tekserýden ótýi tiis. Qoǵamdyq oryndar, ónerkásip aýmaqtary, áýejailar, aýladaǵy balalar alańdary jáne ózge de nysandarda sanitarlyq jáne zalalsyzdandyrý jumystary júrgizilýi kerek. Sonymen qatar Halyq arasynda COVID-19-dyń taralýynyń aldyn alý boiynsha aqparattyq-túsindirý jumystaryn qolǵa alýylary qajet.
