Ákimder el basshylyǵynyń Jer qory týraly biryńǵai málimetter bazasyn qurý tapsyrmasyn súlesoq oryndap otyr. Bul týraly onlain brifing barysynda QR Sybailas jemqorlyqqa qarsy is-qimyl agenttigi Strategiia jáne jedel basqarý departamentiniń basshysy Nurlan Jaqsymbetov aitty, dep habarlaidy "Ult aqparat".
«Búginde Qazaqstanda memlekettik qyzmetterdiń 88 paiyzy elektrondy túrde kórsetiledi. Bir qaraǵanda, qomaqty kórsetkish. Biraq, biznes úshin joǵary jemqorlyq táýekelder naqty memlekettik organdar qaǵaz túrinde ǵana kórsetetin qalǵan 12 paiyz qyzmetterde jatyr. Eń aldymen olar: jer qatynastary, sáýlet, qurylys jáne aýyl sharýashylyǵy taýarlaryn óndirýshilerge sýbsidiia berý kezinde aýyl sharýashylyǵy», - dedi ol.
Onyń atap ótýinshe, bos jer ýchaskeleri týraly ashyq málimetterdiń bolmaýy úlken problemaǵa ainalǵan. Sebebi bul qazaqstandyq jáne sheteldik investorlar úshin biznes-jobalaryn josparlaýdaǵy mańyzdy máseleniń biri sanalady.
«El basshylyǵynyń birneshe ret Jer qory týraly biryńǵai málimetter bazasyn qurýdy tapsyrǵanyna qaramastan ákimdikter áli kúnge deiin bul tapsyrmaǵa óte súlesoq qarap keledi. Óńirlerde qurylǵan geoportaldar ashyǵyn aitqanda investorlar úshin múldem paidasyz», - dedi Nurlan Jaqsymbetov.
Onyń atap ótýinshe, kásipkerler tarapyna tabiǵi monopoliialar sýbektileriniń qyzmetine qatysty da shaǵym kóp. Biznesin endi bastaǵan árbir kásipker sý, jylý, gaz tartýda qiyndyqtarǵa tap bolyp jatady.
