«AMANAT»-tyń óńirlik jáne aýmaqtyq filialdarynda partiialyq konferentsiialar ótti. Kún tártibinde óńirlik filialdardyń 2022 jylǵy 10 aidaǵy jumysyn qorytyndylaý, sondai-aq ákimderdi filial tóraǵasy qyzmetinen bosatý máseleleri qaraldy, dep habarlaidy "Ult aqparat" partiianyń baspasóz qyzmetine silteme jasap.
Biyl naýryzda Memleket basshysy Qasym-Jomart Toqaev Qazaqstan halqyna Joldaýynda ákimder men olardyń orynbasarlaryna partiia filialdarynda laýazym ielenýge zań júzinde tyiym salý qajet ekenin málimdedi. Qarashanyń basynda zańnamalyq aktilerge tiisti túzetýler engizildi.
Konferentsiia qorytyndysy boiynsha, barlyq deńgeidegi ákimder budan bylai «AMANAT» partiiasynyń oblystyq, qalalyq jáne aýdandyq filialdarynyń tóraǵasy laýazymyn atqarmaidy. Partiianyń tiisti filialdaryndaǵy Saiasi keńes Biýrosy men Saiasi keńesteriniń quramyna kirmeidi.
«Bul shara el Prezidenti Qasym-Jomart Toqaev jariialaǵan saiasi reformalar baǵytyn iske asyrýdyń qisyndy jalǵasy sanalady. Bul qadam partiialyq básekelestikke serpin beretinine senimdimiz. Ásirese, Májilis pen barlyq deńgeidegi máslihattarda ótetin aldaǵy sailaý aiasynda bul sheshim óte ózekti», - dep atap ótti «AMANAT» partiiasynyń Atqarýshy hatshysy Ashat Oralov.
