Almaty ákiminiń orynbasary Iliias Óserov onlain brifing barysynda megapoliske 26 mln teńgege shaqyrylatyn sheteldik blogerlerge qatysty túsinik berdi, dep habarlaidy "Ult aqparat".
"Menińshe, buǵan qoǵam qatty alańdaityn siiaqty. Shyn máninde, bul imidj kóteretin shara dep aita almaimyn. Desek te, pandemiiaǵa qaramastan biz týrizmdi, kreativti ekonomikany jáne IT salasyn damytýymyz kerek. Sondyqtan týristik áleýetti damytý sheńberinde bul qarajat sheteldik blogerlerdi shaqyrý úshin qarastyrylǵan. 26 mln teńgeni jumsai otyryp, biz jaqsy negiz qura alamyz. Sonymen qatar, mýltiplikativti áser etetin týristerdi shaqyra alamyz dep oilaimyn", - dep jaýap berdi ol.
Buǵan deiin, qalalyq týrizm basqarmasy Almatyǵa 26 million teńgege sheteldik blogerler shaqyrylatyny týraly málim etken.
Maqsat - qalanyń halyqaralyq jáne ishki naryqtardaǵy brendterin álemge tanytý.
