Oranǵai aýyldyq okrýginde bolǵan Kentaý qalasynyń ákimi Ábdibaqyt Maqulbaev Bostandyq eldi mekenindegi M.Qazybekov jalpy orta mektebine soqty, dep habarlaidy "Ult aqparat".
Sonymen qatar ol «Ál-Bereke» AShÓK kókónis jáne jemis-jidek daqyldaryn qaita óndeý jáne saqtaý tsehynyń jumysynmen tanysyp, sol aýyldaǵy M.Áýezov jalpy orta mektebin de kórdi. Tiisinishe, bilim berý nysandarynyń qysqa daiyndyǵyn pysyqtap, qatty otynmen qamtylýyn qatań baqylaýǵa alý kerektigin aitty. Synyptardy aralap, sabaq ótý barysymen tanysty. Sport zal men májilis zaldarynda ótip jatqan úiirme jumystaryna kirip, júldeger sportshy jastarmen kezdesti. Dombyra úiirmesine qatysýshy jastardyń ónerin tamashalady.
Aýyldyq klýbta aýyl turǵyndarymen kezdesip, aýyl ákimi Syzdyq Pirmetovtiń esebin tyńdady.
Jaryssózge shyqqan aýyl turǵyndary atqarylyp jatqan jumystarǵa joǵary baǵa berip, birshama máselelerdi sóz etti.
Barlyq máselelerdi muqiiat tyńdaǵan qala basshysy Ábdibaqyt Maqulbaev aýyl bolashaǵy úshin jasalyp jatqan jumystardyń aldaǵy ýaqytta da jalǵasyn tabatyndyǵyn jetkizdi. Jiynnyń qorytyndysynda aýyl aqsaqaldary eldiń amandyǵyn tilep, kópshilikke bata berdi.
