EKSPO-2017 halyqaralyq kórmesi 10 maýsymnan bastap óz qonaqtary úshin esigin ashpaq. Bul týraly «Astana EKSPO-2017» UK» AQ Basqarmasynyń Tóraǵasy Ahmetjan Esimov otandyq jáne shetel basylymdaryna bergen suhbatynda aitty, - dep habarlaidy "Ult aqparat".
Ol basshylyqqa kelgen kezinde qurylys alańynda tek qana beton japsarlar men oǵan bekitilgen qabyrǵalardan basqa ózge eshteńe bolmaǵanyn eske alady.
«Mundai jaǵdaida kórip, úlken iske asa qulshynys ta, úmit te bolmady. Sodan keiin beldi bekem býyp jumysqa kirisý kerek ekenin uqtym. Aldymen, departamentterdi tekserip, barlyq sharýanyń kólemimen jáne qurylymymen tanysyp shyqqandy jón sanadym. Iaǵni, ýaqyt óte az boldy», - deidi Esimov óz sózinde.
Ol: «Prezidentimizdiń jan-jaqty kómeginiń, qoldaýynyń arqasynda biz 6 jyl boiy jasalatyn jumystardy 21 ai ishinde aiaqtadyq», - dep erekshe atap ótti.
Ulttyq kompaniia Tóraǵasy alǵashqyda atqarylar istiń nátijesiniń oń bolaryna senbegen jurttyń jáne synshylardyń kóp bolǵanyn aitady.
EKSPO basshysy: «Biz úlken jumys atqardyq. Odan bólek, merdigerlermen de daýlar boldy. Olar neǵurlym kóp qarajatqa kenelgisi keldi, biraq biz bul máseleni de birjaqty qyldyq. Nátijesinde, 2014 jylǵy jospar boiynsha bólingen qarjydan 300 mlrd. tenge únemdedik», - dep óz sózin naqtylaidy.
