Biyl Ahmet Baitursynulynyń týǵan jerinde infraqurylymdyq jáne mádeni-rýhani jobalar iske asady. QR Memlekettik hatshysy Erlan Qarin Ahmet Baitursynulynyń 150 jyldyǵyna arnalǵan konferentsiiada osyndai málimet aitty, dep habarlaidy QazAqparat.
«Memleket basshysy mereitoi sharalarynyń «as ta tók» toimen emes, elge paidasy tietin naqty jumystarmen erekshelenýi qajettigin únemi aityp júredi. Bul ustanym Ahańnyń mereitoiyna da qatysty. Ult ustazynyń týǵan jeri — Qostanai oblysynda infraqurylymdyq jáne mádeni-rýhani jobalar júzege asyrylýǵa tiis. Ol jóninde bizde oblys ákimshiligimen sondai kelisim bar», - dedi ol konferentsiia barysynda.
Erlan Qarinniń paiymdaýynsha, Ahmet Baitursynuly – barlyq dáýirdegi qazaq balasyna ortaq tulǵa.
«Onyń eńbegi men shyǵarmashylyǵy, kúreske toly ómir joly barshamyzǵa úlgi-ónege. Ahań – ult rýhnaniiatynyń temirqazyǵy. Biz sol temirqazyqty qazaqtyń órkeniet kógindegi basty baǵdar etip ustanamyz. Sondyqtan Ahań qazaqpen birge máńgi jasai beredi», - dep túiindedi Memlekettik hatshy.
