Ult ustazy, til bilimi ǵylymynyń atasy, reformator, túrki jurtyna ortaq uly tulǵa Ahmet Baitursynulynyń 150 jyldyǵyna arnalǵan mereitoilyq poshta markasy shyqty. Bul týraly óziniń Facebook paraqshasynda Mádeniet jáne sport ministrligi Til saiasaty komitetiniń tóraǵasy Ádilbek Qaba jazdy, dep habarlaidy "Ult aqparat".
Poshta markasy qai eldi bolmasyn álemge tanytýda sol eldiń «vizitti kartochkasy» sanalatyny belgili.
Dizainy «Qazposhta» AQ-men kelisilgen marka endi uly tulǵany tek álem jurtshylyǵyna tanytyp qana qoimaidy, sonymen qatar Baitursynuly beinesi san ǵasyrlar boiy urpaqtar jadynda saqtalatyn bolady.
«Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrliginiń aqparatyna sáikes, atalǵan ministrliktiń 31 mamyrdaǵy «Qazaqstan Respýblikasy poshta tóleminiń memlekettik belgileriniń túrleri men kólemderin bekitý jáne poshta ainalymyna engizý týraly» buiryǵymen poshta markasy 3 maýsymnan bastap 2 000 000 (2 million) dana mólsherinde basyp shyǵarylyp, ainalymǵa engizildi.
Arnaiy mórqalybty marka konvertteri álem filatelisteri kollektsiialarynan oryn alary sózsiz», - delingen jazbada.
