23 mamyrdan bastap elimizdiń kinoteatrlarynda «Sońǵy úkim» tolyqmetrajdy kórkem filmi kórsetiledi, dep habarlaidy "Ult aqparat" Mádeniet jáne aqparat ministrliginiń baspasóz qyzmetine silteme jasap.
Filmde Resei imperiiasy men Eýropanyń aitýly ýniversitetterin támamdaǵan bilimpaz qazaq ziialylarynyń alǵashqy tolqyny ustaz dep moiyndaǵan bastaýysh synyp muǵaliminiń ómir joly týraly baiandalady.
Filmde Ahmet Baitursynulynyń qazaq til biliminiń negizin salyp, XX ǵasyrdyń bas shenindegi iri túrkolog ǵalymdar ony qalai teń tutqany kórsetiledi.
Sondai-aq bul film ólim tánin alsa da,biraq ózin eshqashan joǵaltpai, istegen barlyqisteri keler urpaqtyń igiligine ainalady dep sengen Ahmettiń ómiriniń sońǵy sátterinen syr shertedi.
Kinotýyndyny Qazaqstan Respýblikasy Mádeniet jáne aqparat ministrliginiń tapsyrysymen, Ulttyq kinony qoldaý memlekettik ortalyǵynyń qoldaýymen «Folklore media» stýdiiasy túsirdi.
Film Almaty, Semei qalalary men Abai, Almaty, Jetisý oblystarynyń jerinde túsirildi.
«Sońǵy úkim» filmin 2024 jyldyń 23 mamyrynan bastap elimizdiń barlyq kinoteatrlarynan tamashalaýǵa bolady.
