Aýǵanstan ulttyq maidanynyń jetekshisi Ahmad Masýd Facebook paraqshasynda qarsy taraptyń qaqtyǵysty retteý boiynsha kelissóz júrgizý týraly usynysyn jyly qarsy aldy. Osyǵan deiin "Taliban" qozǵalysy (Qazaqstanda bul uiymǵa tyiym salynǵan) Panjsher provintsiiasynyń ákimshilik ortalyǵy Bazarak qalasyna basyp kirgenin habarlaǵan.
"Turaqty beibitshilik ornatý maqsatynda Aýǵanstan ulttyq maidany soǵysty toqtatýǵa daiar, ol úshin Taliban da Panjsher men Andarabtaǵy shabýyldary men áskeri operatsiialaryn doǵarýy tiis" dedi Ahmad Masýd. Onyń sózin Reuters agenttigi keltiredi.
Aýǵan aqparat quraldarynyń jazýynsha, buǵan deiin islam dinbasylarynyń keńesi "Talibandy" Panjsherdegi qaqtyǵysty kelissóz arqyly toqtatýǵa shaqyrǵan.
